ნესტან ლონდარიძე - არც ერთი პროკურორი არ გვაყენებს საქმის კურსში, სწორედ ეს დავაფიქსირეთ შალვა თადუმაძესთან

შეხვედრის დაგვიანების თაობაზე პროკურატურაში აღნიშნეს, რომ საქმის განმხილველ პროკურორებს არ ეცალათ, - ამის შესახებ ზაზა სარალიძის ადვოკატმა ნესტან ლონდარიძემ გენერალურ პროკურატურაში შეხვედრის დასრულების შემდეგ ჟურნალისტებთან საუბრისას განაცხადა.

მისი თქმით, მომავალ კვირაში, 12 თებერვალს შედგება მთავარი პროკურორის მონაწილეობით შეხვედრა საქმის პროკურორებთან, სადაც ბევრ კითხვას უნდა გაეცეს პასუხი.

"ჩვენ გამოვხატეთ ჩვენი პოზიცია იმასთან დაკავშირებით, რომ არის კომუნიკაციის ნაკლებობა პროკურატურასთან. არც ერთი პროკურორი არ გვაყენებს საქმის კურსში. სწორედ ეს დავაფიქსირეთ შალვა თადუმაძესთან.

გარკვეული ინფორმაცია მან არ იცოდა და ეს არც დაუმალავს. აღნიშნა, რომ მოიკითხავს ამ ინფორმაციას და შევთანხმდით, რომ სამშაბათს, 12 თებერვალს დღის მეორე ნახევარში გაიმართოს შეხვედრა. მას დაესწრებიან როგორც ძირითადი საქმის, ასევე მის წინააღმდეგ წარდგენილი ბრალის პროკურორები. რაც შეეხება შეხვედრის დაგვიანებას, მათ აღნიშნეს, რომ საქმის განმხილველ პროკურორებს არ ეცალათ", - განაცხადა ნესტან ლონდარიძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა