სოფელ ხურვალეთთან ახლოს, ოკუპირებულ ტერიტორიაზე დე ფაქტო ცხინვალის წარმომადგენლები გარკვეულ სამუშაოებს აწარმოებენ. ამ დროისთვის, რკინის კონსტრუქციების ბეტონით გამაგრების სამუშაოები მიმდინარეობს, დამონტაჟებულია ლითონის კიბეც. ადგილობრივი მცხოვრებლების ვარაუდით, ე.წ. მესაზღვრეები სამეთვალყურეო კოშკურას ამონტაჟებენ. აღნიშნული ტერიტორია სოფელ ძუკაანთკარის განაპირას მდებარეობს.
იმ ადგილზე, სადაც ამჟამად რკინა-ბეტონის სამუშაოები მიმდინარეობს, დე ფაქტო რეჟიმის წარმომადგენლებს რამდენიმე წლის განმავლობაში საგუშაგო ჰქონდათ მოწყობილი.