„მზიურის“ პარკში თოჯინების თეატრი აღარ აშენდება. თბილისის მერის კახა კალაძის განცხადებით, პარკში მშენებლობა კანონს ეწინააღმდეგება.

“მზიურის“ პარკში არაფერი არ აშენდება, თოჯინების თეატრთან დაკავშირებული იდეა გვქონდა, თუმცა ეს პროექტი სხვა ადგილზე განხორციელდება, რადგან პირდაპირ კანონს ვეწინააღმდეგებოდით და „მზიურში“ აღარ აშენდება. „მზიურის“ რეაბილიტაცია მოხდება, ამ პროექტს ინფრასტრუქტურის სამინისტროსთან ერთად ვახორციელებთ. სამუშაოები უახლოეს დღეებში დაიწყება. პროექტი რამდენიმე თვის წინ წარვუდგინეთ მოსახლეობას, საკმაოდ საინტერესოა და მიხარია, რომ ასეთი მნიშვნელოვანი სივრცე იქნება რეაბილიტირებული“,- განაცხადა კახა კალაძემ.