თსუ-ში ლიტერატურული კრებულის „RettuLIT2“ პრეზენტაცია გაიმართება

ივანე ჯავახიშვილის სახელობის თბილისის სახელმწიფო უნივერსიტეტის 101 წლის იუბილესთან დაკავშირებით, ხვალ, ლიტერატურული კრებულის „RettuLIT2“ (ლიტერატურული დაბრუნება2) პრეზენტაცია გაიმართება. ინფორმაციას თსუ ავრცელებს.

საიუბილეო კრებულის ავტორები უნივერსიტეტის კურსდამთავრებულები, ასევე სტუდენტური ლიტერატურული კონკურსის „შემოდგომის ლეგენდა“ გამარჯვებულები არიან.

წიგნის პრეზენტაცია თბილისის სახელმწიფო უნივერსიტეტის სტუდენტური კაპელას კონცერტით დასრულდება.

8 თებერვალს მთელი დღის განმავლობაში თსუ-ს მუზეუმის გამოფენა „თბილისი დიმიტრი ერმაკოვისა და ალექსანდრე ჯავახიშვილის ფოტოკოლექციაში“ გაიმართება.