მარიამ ჯაში - ვფიქრობ, განათლების მინისტრმა უნდა მიიღოს საკადრო პოლიტიკის გადახედვის გადაწყვეტილება

ვფიქრობ, განათლების მინისტრმა უნდა მიიღოს საკადრო პოლიტიკის გადახედვის გადაწყვეტილება,- ამის შესახებ ჟურნალისტებს განათლების კომიტეტის სხდომის დასრულების შემდეგ კომიტეტის თავმჯდომარემ, მარიამ ჯაშმა განუცხადა. მისი თქმით, გვარები, რომელიც ზუგდიდის მეექვსე საჯარო სკოლის დირექტორის საკითხთან დაკავშირებით ჟღერდება, სხვა საკითხებშიც ფიგურირებს. ამავდროულად კომიტეტის თავმჯდომარეს მიაჩნია, რომ უნდა გამოცხადდეს მორატორიუმი და საარჩევნო პერიოდში, გარდა საგანგებო მდგომარეობისა, უნდა შეიზღუდოს საგანმანათლებლო დაწესებულებების ინსპექტირება.

"ზუგდიდის მეექვსე საჯარო სკოლიდან გამომდინარე უნდა ვიმსჯელოთ: 1: ერთგვარი მორატორიუმის შეთანხმებაზე, რომელიც შეზღუდავს საგანგებო მდგომარეობის გარდა, ინსპექტირების შესვლას საგანმანათლებლო დაწესებულებაში, რათა გამოვრიცხოთ ყოველგვარი კითხვები. 2: პირადობის დამადასტურებელი მოწმობის წარდგენის აუცილებლობა ნებისმიერი განცხადების ჩაბარების დროს და 3: მიუხედავად იმისა, რომ ინსპექტირების სამსახურის ხელმძღვანელი და თანამშრომლები არ არიან კარგად ცნობილნი, მიუხედავად იმისა, რომ შეიძლება იყვნენ დიდი გამოცდილების, რამდენადაც განათლების სისტემა საკმაოდ სენსიტიურია პოლიტიკურ საკითხებთან დაკავშირებით, რამდენადაც გვესმის კონკრეტული თანამშრომლები შეიძლება იყვნენ ასოცირებული დავალების შემსრულებლები, განსაკუთრებით წინა ხელისუფლების დროს, ვფიქრობ განათლების მინისტრმა უნდა მიიღოს საკადრო პოლიტიკის გადახედვის გადაწყვეტილება", - განაცხადა მარიამ ჯაშმა.

განათლების კომიტეტის სხდომაზე, რომელსაც განაზტლების მინისტრი, მიხეილ ბატიაშვილი ესწრებოდა, ზუგდიდის მეექვსე საჯარო სკოლის დირექტორის ია კერზაიას საკითხი განიხილებოდა. სხდომას გარდაცვლილის შვილიც, ბაჩანა შენგელიაც დაესწრო.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა