ზუგდიდის მეექვსე საჯარო სკოლის გარდაცვლილი დირექტორის, ია კერზაიას შვილი ბაჩანა შენგელია საქმეზე დროულ გამოძიებას ითხოვს. განათლების კომიტეტის სხდომაზე, რომელიც ღია ფორმატში 4 საათი გაგრძელდა, ბაჩანა შენგელიამ მიხეილ ბატიაშვილს იმ პირთა გათავისუფლება მოსთხოვა, რომლებიც საქმეში ფიგურირებდნენ და გარდაცვლილზე ზეწოლას ახორციელებდნენ.

ბაჩანა შენგელიამ მინისტრი არასწორი ინფორმაციის გავრცელებაში და მნიშვნელოვანი ფაქტების დამალვაშიც დაადანაშაულა. ბაჩანა შენგელიას აღნიშნულ განცხადებებს არ გამოეხმაურა თავად მინისტრი. ბატიაშვილმა სხდომა კომენტარის გარეშე დატოვა.