კონგრესმენი - მნიშვნელოვანია რეგიონში ყველამ იცოდეს, რომ აშშ საქართველოს, მისი ტერიტორიული მთლიანობის და თავისუფლების მიმართ ღრმა ერთგულებას ინარჩუნებს

მნიშვნელოვანია რეგიონში ყველამ იცოდეს, რომ შეერთებული შტატები საქართველოს მიმართ, მისი ტერიტორიული მთლიანობის და თავისუფლების მიმართ ღრმა ერთგულებას ინარჩუნებს, - ამის შესახებ კონგრესის საგარეო ურთიერთობათა კომიტეტის თავმჯდომარემ, ელიოტ ენგელმა საქართველოს საგარეო საქმეთა მინისტრ დავით ზალკალიანთან შეხვედრის შემდეგ განაცხადა.

მისი თქმით, მინისტრთან „შესანიშნავი შეხვედრა" ჰქონდა და ყოველთვის სასიამოვნოა, როდესაც მის ოფისში მეგობრები მიდიან.

„მინისტრს კიდევ ერთხელ გავუმეორე, რომ მზად ვარ, ჩემთვის შესაძლო ყველა გზით დავეხმარო საქართველო-ამერიკის ურთიერთობის გაძლიერებას, რომ უზრუნველვყო ჩვენი ერთობლივი მუშაობის გაგრძელება და ძლიერ მოკავშირეებად დარჩენა. ასევე იმის არ დაშვება, რომ ქვეყანა ახლო და შორი მეზობლების აგრესიის საფრთხის ქვეშ აღმოჩნდეს, ამას მეტს ვერაფერს დავამატებ. მნიშვნელოვანია რეგიონში ყველამ იცოდეს, რომ შეერთებული შტატები საქართველოს მიმართ, მისი ტერიტორიული მთლიანობის და თავისუფლების მიმართ ღრმა ერთგულებას ინარჩუნებს და კიდევ ერთხელ მინდა გამოვხატო ამერიკა-საქართველოს ურთიერთობის მხარდაჭერა", - განაცხადა კონგრესმენმა.

აღნიშნულ ინფორმაციას „ამერიკის ხმის“ ქართული ბიურო ავრცელებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა