ნაზი ჯანეზაშვილი - ე.წ. კლანი, რომელიც სასამართლო სისტემას მართავს, შიშობს, რომ პარლამენტმა არ მიიღოს ისეთი გადაწყვეტილება, რაც მას შებოჭავს

იუსტიციის უმაღლესი საბჭოს სხდომა 11 თებერვალს, იუსტიციის უმაღლესი საბჭოს შენობის ნაცვლად, თბილისის საქალაქო სასამართლოში გაიმართება. როგორც „ინტერპრესნიუსს“ საბჭოს არამოსამართლე წევრმა, ნაზი ჯანეზაშვილმა განუცხადა, დღის წესრიგის მიხედვით, ერთ-ერთ მთავარ საკითხად გამოტანილია მოსამართლეთა უვადოდ დანიშვნის შეჩერება. ნაზი ჯანეზაშვილის თქმით, ე.წ. კლანი, რომელიც სასამართლო სისტემას მართავს, შიშობს, რომ პარლამენტმა არ მიიღოს ისეთი გადაწყვეტილება, რაც მას შებოჭავს.

„იუსტიციის უმაღლესი საბჭოს სხდომა 11 თებერვალს, თბილისის საქალაქო სასამართლოში ჩატარდება. ეს ინფორმაცია რამდენიმე წუთის წინ შევიტყვე, ვინაიდან ამასთან დაკავშირებით წინასწარი შეთანხმება არ ყოფილა. როგორც წესი, იუსტიციის უმაღლესი საბჭოს სხდომები, ცხადია, საბჭოს შენობაში ტარდება. ერთადერთი შემთხვევა იყო, როდესაც საბჭოში ჩემი წევრობის განმავლობაში ბორჯომში ჩატარდა იმ მიზეზით, რომ იქ მაშინ სასამართლო გაიხსნა. სხვა ასეთი შემთხვევა კი არ მახსენდება. როგორც ჩანს, მოსამართლე წევრებმა და „კლანმა“, რომელიც სისტემას მართავს, როგორც ჩანს ახლა პრობლემები აქვთ იმ თვალსაზრისით, რომ ეშინიათ პარლამენტმა მათ საწინაღმდეგოდ არ მიიღოს რაიმე ტიპის გადაწყვეტილებები, ან არ განახორციელოს იმგვარი საკანონმდებლო ცვლილებები, რომელიც მათ ძალაუფლებას შებოჭავს. გადაწყვიტეს, რომ საბჭოს სხდომა ჩაატარონ საქალაქო სასამართლოში იმიტომ, რომ მოიწვიონ სხვა მოსამართლეებიც. დაველოდოთ, რა იქნება, თუმცა ერთ-ერთ მთავარ საკითხად გამოტანილია მოსამართლეთა უვადოდ დანიშვნის შეჩერება. როგორც ჩანს, ისინი ამას ძალიან მწვავედ უყურებენ და მწვავედ აღიქვამენ ამ თემას“, - განაცხადა ნაზი ჯანეზაშვილმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა