„ქართული ოცნების“ დეპუტატი დავით მათიკაშვილი პარლამენტის იურიდიულ საკითხთა კომიტეტის თავმჯდომარის პირველი მოადგილის პოსტს დაიკავებს

„ქართული ოცნების“ დეპუტატი დავით მათიკაშვილი პარლამენტის იურიდიულ საკითხთა კომიტეტის თავმჯდომარის მოადგილის თანამდებობიდან პირველი მოადგილის პოსტზე გადაინაცვლებს.

„ინტერპრესნიუსის“ ინფორმაციით, კომიტეტის ხელმძღვანელობაში განხორციელებული ცვლილებების ფარგლებში გადაწყდა, რომ დავით მათიკაშვილი კომიტეტის თავმჯდომარის პირველი მოადგილე გახდება.

საპარლამენტო კომიტეტის პირველი მოადგილის შერჩევა და წარდგენა კომიტეტის თავმჯდომარის ექსკლუზიური უფლებამოსილებაა. იურიდიულ საკითხთა კომიტეტის ახალი ხელმძღვანელი ანრი ოხანაშვილი კომიტეტს ასარჩევად პირველი მოადგილის კანდიდატურას უახლოეს სხდომაზე წარუდგენს.