თუ ყველა გვერდზე გადადებს სუბიექტურ ინტერესებს, ყველაფერი კარგად იქნება. ვხედავთ, რომ ერთგვარი „ქარიშხალია ჭიქაში“, არაფერი ხდება ცუდი,- ამის შესახებ პარლამენტის თავმჯდომარემ ირაკლი კობახიძემ მმართველ პარტიაში დაპირისპირებაზე დასმული კითხვის საპასუხოდ განაცხადა.

„თუ ყველა გვერდზე გადადებს სუბიექტურ ინტერესებს, ამ შემთხვევაში ყველაფერი კარგად იქნება. რაც შეეხება სასამართლოს საკითხს, მოგეხსენებათ, სიის წარმოდგენიდან ჩვენ რამდენიმე დღეში მივიღეთ გადაწყვეტილება, რომ საგაზაფხულო სესიამდე გადაიდებოდა ამ საკითხის განხილვა. მანამდე დავდეთ პირობა, რომ შემუშავდებოდა პროცედურა, კრიტერიუმები და ამის საფუძველზე იქნებოდა განხილული უკვე ახალი სია, რომელსაც წარმოადგენდა იუსტიციის უმაღლესი საბჭო. აქედან გამომდინარე, ჩვენ ვხედავთ, რომ არის ერთგვარი „ქარიშხალი ჭიქაში“, არაფერი არ ხდება ცუდი, პირიქით, ყველაფერი წარიმართება კარგად. ვმუშაობთ პროცედურებზე და კრიტერიუმებზე , ამის საფუძველზე იქნება წარმოდგენილი განახლებული სია. ეს ყველაფერი წარიმართება საზოგადოების თვალწინ , დაკვირვების ქვეშ , შესაბამისად, ყველამ მშვიდად უნდა უყუროს პროცესს. ასეთ დროს ბუნებრივია, არასწორია სპეკულირება თემით, რომელიც უკავშირდება სასამართლოს იმიტომ, რომ ყველაფერს ვაკეთებთ ისე, როგორც საქმეს სჭირდება",- განაცხადა კობახიძემ.