დიდი ბრიტანეთის თავდაცვის მინისტრმა გევინ უილიამსონმა განაცხადა, რომ რუსეთმა თავისი პროვოკაციული ქმედებებისთვის საფასური უნდა გადაიხადოს, - ამის შესახებ ინფორმაციას საინფორმაციო სააგენტო Reuters ავრცელებს.
„ნატო-მ უნდა შეიმუშავოს შესაძლებლობები, რათა გაუმკლავდეს იმ პროვოკაციებს, რომელსაც რუსეთი აწყობს ჩვენთან მიმართებაში. რუსეთს ძვირი უნდა დაუჯდეს ამგვარი ქმედებები“, - განაცხადა ბრიტანელმა მინისტრმა.
გევინ უილიამსონმა ასევე აღნიშნა, რომ „თუ დიდი ბრიტანეთი უბრალოდ ისაუბრებს და არ იმოქმედებს, იმის რისკი არსებობს, რომ დიდ ბრიტანეთს სერიოზულად არავინ განიხილავს“.
დიდი ბრიტანეთის თავდაცვის მინისტრმა ასევე მხარი დაუჭირა დონალდ ტრამპის მოწოდებას ნატო-ს ქვეყნებისადმი თავდაცვითი ხარჯების გაზრდის თაობაზე, რაც მისი თქმით, „ხელს შეუწყობს რუსეთის პროვოკაციებთან გამკლავებას“.