16-17 თებერვალს, „ბიბლუსის“ მიერ გახსნილ პირველ ტურისტულ მაღაზია „ჯორჯიანში“ ქართული პროდუქციის გამოფენა-გაყიდვა გაიმართება.

ორგანიზატორების ინფორმაციით, ღონისძიება ქართული ფოლკლორის, ღვინის და ჩაის დეგუსტაციით ჩაივლის. მაღაზიაში წარმოდგენილი პროდუქციის შეძენა კი –30%–მდე ფასდაკლებით იქნება შესაძლებელი.

„აღმაშენებლის 55–ში წარმოდგენილია მხოლოდ ქართული ნაწარმი. ქართული ღვინის მრჩევლის Allwine–ის უნიკალური ღვინო, თაფლი, ჩაი, ქართული სუვენირები და სხვადასხვა აქსესუარები. გამოფენა-გაყიდვა არა მხოლოდ ტურისტებისთვის, არამედ ყველა იმ ადამიანისთვისაა გათვლილი, რომელსაც ქართული პროდუქტიც შეძენა სურს.

შეგახსენებთ, რომ მაღაზია „ჯორჯიანი“ მისი არსით გამორჩეულია – აქ მხოლოდ ქართული პროდუქციაა წარმოდგენილი. მაღაზიის ერთ-ერთი მთავარი მიზანი იმ ქართველი მეწარმეების წახალისებაა, რომლებიც ქართულ პროდუქციას აწარმოებენ. მსგავსი ტიპის ღონისძიებები კი მათი ქართული პროდუქციის პოპულარიზაციას კიდევ უფრო შეუწყობენ ხელს“, - ნათქვამია ინფორმაციაში.