კომპანია „ჯორჯიან უოთერ ენდ ფაუერი“  სპეციალურ განცხადებას ავრცელებს

ისნის რაიონში, უზნაძის ქუჩაზე „ჯორჯიან უოთერ ენდ ფაუერის“ წყალმომარაგების ქსელი ავარიულად დაზიანდა. ამის შესახებ „ინტერპრესნიუსს“ „ჯორჯიან უოთერ ენდ ფაუერიდან“ აცნობეს.

როგორც ინფორმაციაშია აღნიშნული, ამ დროისთვის ადგილზე მობილიზებულია კომპანიის ტექნიკური ჯგუფები და ფარული დაზიანების საძიებო-სადიაგნოსტიკო სამუშაოებს ახორციელებენ.

„აღნიშნულ მონაკვეთზე წყლის დინების შესაჩერებლად ჩამკეტ-მარეგულირებელი ურდულები დაიკეტა, რის გამოც დღეს, 13:00 საათიდან 14 თებერვლის დილის 08:00 საათამდე წყალმომარაგება შეეზღუდება:

ნაძალადევის რაიონში:

თოდრიას, ბეჟანიშვილის, ლოტკინის მთის, ხუდადოვის და მიმდებარე ქუჩებს;

ჩუღურეთის რაიონში:

9 ძმის, ნორიოს და მიმდებარე ქუჩებს;

ისნის რაიონში:

ივერთუბნის, ნიაბის, იორის და მიმდებარე ქუჩებს; ვაზისუბნის I-III მ/რ-ებს.

წყალმომარაგების შეზღუდვისა და აღდგენის შესახებ ინფორმაცია „ჯორჯიან უოთერ ენდ ფაუერმა“ აბონენტებს წინასწარ, SMS-შეტყობინების სახით მიაწოდა. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge“, - ნათქვამია „ჯორჯიან უოთერ ენდ ფაუერის“ მიერ გავრცელებულ ინფორმაციაში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა