მიხეილ ყაველაშვილმა მედიაში გავრცელებული ინფორმაციის თაობაზე განმარტება გააკეთა

მიხეილ ყაველაშვილმა მედიაში გავრცელებული ინფორმაციის თაობაზე განმარტება გააკეთა.

როგორც „ინტერპრესნიუსს“ საქართველოს პარლამენტიდან აცნობეს, პარლამენტის სპორტისა და ახალგაზრდულ საქმეთა კომიტეტის თავმჯდომარემ მიხეილ ყაველაშვილმა 14 თებერვლის კომიტეტის სხდომის განსახილველ საკითხებთან დაკავშირებით განმარტება გააკეთა და მედიის ზოგიერთ საშუალებებში გავრცელებული ინფორმაცია უარყო.

„რამდენიმე ტელეკომპანიის მიერ, არასწორი ინტერპრეტაციით გაშუქდა 14 თებერვალს დაგეგმილი სპორტისა და ახალგაზრდულ საქმეთა კომიტეტის სხდომის ანონსი, რომ თითქოს ხვალ კომიტეტის სხდომაზე ვგეგმავთ სპორტული არბიტრაჟის პრეზენტაციას, რაც სიმართლეს არ შეესაბამება. მინდა განვმარტო, რომ 14 თებერვალს დაგეგმილ კომიტეტის სხდომაზე მოხდება კვლევის – "კარგი მმართველობის სტანდარტები ეროვნულ სპორტულ ფედერაციებში", შედეგების პრეზენტაცია. კვლევა განხორციელდა ორგანიზაცია "საქართველოს სტრატეგიული კვლევის ცენტრის" მიერ ევროპის საბჭოს, "დანიის სპორტულ სწავლებათა ინსტიტუტისა" და საქართველოს პარლამენტის სპორტისა და ახალგაზრდულ საქმეთა კომიტეტის მხარდაჭერით“, - განაცხადა მიხეილ ყაველაშვილმა.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან