ზუგდიდის მუნიციპალიტეტის სოფელ განმუხურში ე.წ. საზღვრის კვეთის ბრალდებით დაკავებულების ოჯახში სამეგრელო-ზემო სვანეთის გუბერნატორი ალექსანდრე მოწერელია მივიდა. როგორც გუბერნატორმა ოჯახის წევრებს განუცხადა, დაკავებულების დროულად გათავისუფლების საკითხის მოსაგვარებლად შესაბამისი უწყებები მუშაობენ.

„მე როგორც მაქვს ინფორმაცია, დაკავებულები საქართველოს კონტროლირებად ტერიტორიაზე იმყოფებოდნენ, თუმცა, რუსული მხარე ამბობს, რომ ისინი მავთულხლართებს იქით 40 მეტრში იმყოფებოდნენ. ჩვენ ყველანაირად ვეცდებით, რომ ეს პრობლემა დროულად მოგვარდეს", - ამბობს ალექსანდრე მოწერელია.

დაკავებულების ოჯახის წევრები გატაცებულების გამოშვებას ითხოვენ. ისინი აცხადებენ, რომ ემირ გოგოხია და ზემირ მიქავა საქართველოს კონტროლირებად ტერიტორიაზე იმყოფებოდნენ და მათ ე.წ. საზღვარი არ გადაუკვეთავთ.