ირანის სამხრეთ აღმოსავლეთ ნაწილში მომხდარი აფეთქების შედეგად, ისლამური რევოლუციის დამცველთა კორპუსის ოცზე მეტი წევრი დაიღუპა. ამის შესახებ ადგილობრივი სააგენტო „ირნა“ იუწყება.
აფეთქების შედეგად არიან დაშავებულებიც, რომელთა რაოდენობა ოცს აღემატება. სააგენტოს ცნობით, აღნიშნული კორპუსის კუთვნილ ავტობუსს ტერორისტები დაესხნენ თავს. ამ დრომდე არც ერთ ტერორისტულ დაჯგუფებას მომხდარზე პასუხისმგებლობა არ აუღია.