ქეთევან ციხელაშვილის უწყებაში იმედოვნებენ, რომ ოკუპირებულ ახალგორში ჩარჩენილი 21 მოზარდი და რამდენიმე სტუდენტი გადაადგილებას უახლოეს მომავალში შეძლებს

ოკუპირებულ ახალგორში 21 მოზარდი და რამდენიმე სტუდენტი კვლავ იძულებით იზოლაციაში რჩება. ზამთრის არდადეგებზე ნათესავებთან ჩასული ბავშვები ე.წ. გამშვები პუნქტის ჩაკეტვის გამო ოკუპირებული დაბიდან გამოსვლას ვეღარ ახერხებენ.

როგორც „ინტერპრესნიუსთან“ საუბრისას შერიგებისა და სამოქალაქო თანასწორობის საკითხებში სახელმწიფო მინისტრის აპარატში განუცხადეს, იმედოვნებენ, რომ ჩაკეტილი ე.წ. გამშვები პუნქტის იქით მყოფი მოზარდები შეუზღუდავად გადაადგილებას უახლოეს მომავალში შეძლებენ.

,,არაფრით არაა გამართლებული ადამიანების ჩაკეტვა და სრული იზოლირება. ძალიან რთულია, როცა ადამიანებს უზღუდავენ გადაადგილებას, მით უფრო, როცა გამყოფი ხაზის იქით იმყოფებიან ბავშვებიც და გადაადგილების თავისუფლება მათაც შეზღუდული აქვთ. ახალგორში მყოფი 21 მოზარდიდან 5 პირველკლასელია. ამ ფაქტთან დაკავშირებით ამოქმედებულია ,,ცხელი ხაზი", პროცესში ჩართულები არიან ჩვენი პარტნიორები და ვიმედოვნებთ, რომ ჩაკეტილი ე.წ. გამშვები პუნქტის იქით მყოფი მოზარდები უახლოეს მომავალში შეძლებენ შეუზღუდავად გადაადგილებას. თუმცა, აღნიშნულის გარდა, პრიორიტეტად რჩება ოკუპირებულ ტერიტორიაზე მცხოვრები მოქალაქეების უფლებები. მთავარი ძალისხმევა მიმართულია იქით, რომ მოიხსნას შეზღუდვები, დაცული იყოს ადამიანების უფლებები და გადაადგილების თავისუფლება პრობლემას არ წარმოადგენდეს", - განაცხადეს შერიგებისა და სამოქალაქო თანასწორობის საკითხებში სახელმწიფო მინისტრის აპარატში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?