„ჩვენ რომ ხელისუფლებაში მოვედით, სასამართლო იყო კორუმპირებული და ხელისუფლებაზე დამოკიდებული. სამწუხაროდ, დამოკიდებულება ვერ მოვხსენით და ეს ცოდვა ნამდვილად უნდა ვაღიაროთ ყოველთვის“, - ამის შესახებ „ერთიანი ნაციონალური მოძრაობის“ წევრმა გიორგი ბარამიძემ „პალიტრანიუსის“ გადაცემაში „360 გრადუსი“ განაცხადა. მისი თქმით, ეს მიდგომა არ არის სწორი, კეთილშობილური მიზნების მიუხედავად.

„ჩვენ რომ ხელისუფლებაში მოვედით, სასამართლო იყო კორუმპირებული და დამოკიდებული ხელისუფლებაზე. სამწუხაროდ, დამოკიდებულება ვერ მოვხსენით და ეს ცოდვა ნამდვილად უნდა ვაღიაროთ ყოველთვის. სასამართლო იყო პოლიტიკურად დამორჩილებული აღმასრულებელ ხელისუფლებაზე, მისი პოლიტიკური ამოცანების შესასრულებლად. გაირკვა, რომ ეს არ არის სწორი, რაც არ უნდა კეთილშობილი მიზნები გქონდეს. ეს ხელისუფლება მოვიდა იმით, რომ სამართლიანობა უნდა აღდგესო. როგორ დამკვიდრდება სამართლიანობა უსამართლო სასამართლოთი?! ამითი მოვიდნენ და ეს შეგნებულად არ გააკეთეს. ერთადერთი პოლიტიკური მიზანი აქვთ: ის კი არა, რომ ქვეყანა წინ წაიყვანონ, არამედ ხელისუფლებაში რომ დარჩნენ და თვითონ ფულები აკეთონ“, - აღნიშნა გიორგი ბარამიძემ.

იხილეთ ვიდეო: "საქართველოში კორუფცია დაბრუნდა როგორც ჩვეულებრივ ცხოვრებაში, ისე სასამართლოში" - გიორგი ბარამიძე