გლდანის რაიონში გზის კაპიტალური შეკეთების სამუშაოები მიმდინარეობს

გლდანის რაიონის გამგეობა ინფრასტრუქტურული პროექტების განხორციელებას განაგრძობს. გზის რეაბილიტაცია პატარა ტბის დასახლებაში, ბარათაშვილის და სოფელ გლდანში, რუსთაველის ქუჩებზე დაიწყო. ამის შესახებ ,,ინტერპრესნიუსს“ თბილისის მერიიდან აცნობეს.

პარალელურად, გზის კაპიტალური რეაბილიტაციის სამუშაოები გულისაშვილის, კულა გლდანელისა და ჯანჯღავას III შესახვევში მიმდინარეობს.

მერიის პრესამსახურის ინფორმაციით სამუშაოების შედეგად, გულისაშვილის ქუჩაზე სანიაღვრე სისტემა მოეწყობა, რომლის შემდეგაც, დაახლოებით, 6 650 კვ.მ ფართობზე ასფალტის საფარი დაიგება; ასფალტის ორფენიანი საფარი რუსთაველის ქუჩაზე დაახლოებით, 2 400 კვ.მ ფართობზე იგება; კულა გლდანელის ქუჩაზე საგზაო სამუშაოები დაახლოებით, 7 500 კვ. მეტრ ფართობზე მიმდინარეობს; ბარათაშვილის ქუჩაზე დაახლოებით, 4 570 კვ.მ ფართობის გზა მოწესრიგდება, ჯანჯღავას III შესახვევში 2 230 კვ.მ ფართობზე კი, ორი ფენა ასფალტის საფარი დაიგება.

გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატებთან, გულია გოცირიძესთან და შალვა ოგბაიძესთან ერთად, საგზაო სამუშაოებს ადგილზე გაეცნო და მოსახლეობას პროექტების შესახებ ინფორმაცია მიაწოდა.

„გლდანის გამგეობამ მიმდინარე წელს არაერთი ინფრასტრუქტურული პროექტის განხორციელება დაიყო, მათ შორის, გზების რეაბილიტაცია. გზის კაპიტალური შეკეთების სამუშაოები ორ მისამართზე დავიწყეთ, ჯამში კი, რეაბილიტაცია ხუთ მისამართზე მიმდინარეობს. აღნიშნული ქუჩები ძალიან მძიმე მდგომარეობაში იყო, რაც მოსახლეობას დისკომფორტს უქმნიდა. სამუშაოების დასრულების შემდეგ, მათ წლების განმავლობაში არსებული პრობლემა მოუგვარდებათ და გრუნტის გზის ნაცვლად, მოწესრიგებული ინფრასტრუქტურით ისარგებლებენ. რასაკვირველია, წელს ეტაპობრივად, სხვა პრობლემური ქუჩების რეაბილიტაციასაც განვახორციელებთ“, - განაცხადა გლდანის რაიონის გამგებელმა ბექა მიქაუტაძემ.

სამუშაოებს ტენდერში გამარჯვებული ამხანაგობა „ენკა“ ასრულებს.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“