საქართველოს პარლამენტის დელეგაცია, რომელსაც უმრავლესობის ლიდერი არჩილ თალაკვაძე ხელმძღვანელობს, ქუვეითში სამუშაო ვიზიტის ფარგლებში, ქუვეითის ეროვნული ასამბლეის (პარლამენტის) თავმჯდომარეს, მარზუკ ალი ალ გჰანიმს შეხვდა.

როგორც „ინტერპრესნიუსს“ პარლამენტის პრესსამსახურიდან აცნობეს, მხარეებმა ორ პარლამენტს შორის თანამშრომლობის საკითხები, სავაჭრო და ეკონომიკური ურთიერთობები, ტურიზმის სფერო და საინვესტიციო შესაძლებლობები განიხილეს.

არჩილ თალაკვაძემ ქუვეითის ეროვნული ანსამბლეის თავმჯდომარეს და წევრებს საკანონმდებლო და ეკონომიკური რეფორმები, ასევე, საერთაშორისო რეიტინგებში საქართველოს მაჩვენებლები გააცნო.

დელეგაციის შემადგენლობაში საპარლამენტო უმრავლესობიდან გოჩა ენუქიძე, სავალან მირზოევი და ილია წულაია, ხოლო საპარლამენტო უმცირესობიდან ირმა ნადირაშვილი მონაწილეობენ.