ძლიერი ქარის შედეგად, სამგორის რაიონში ერთ-ერთი საწყობს სახურავი მოძვრა, რომელიც გაზის მილსა და გარე განათების ბოძს დაეცა

ძლიერი ქარის შედეგად, სამგორის რაიონში, პოლიციის ქუჩაზე ერთ-ერთი საწყობს სახურავი მოძვრა, რომელიც გაზის მილსა და გარე განათების ბოძს დაეცა.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, დაზიანებულია ერთი ავტომანქანა. მათივე ინფორმაციით, დაშავებული არავინაა.

როგორც უწყებაში აცხადებენ, ადგილზე მობილიზებულია ყველა შესაბამისი სამსახური და გაწმენდითი სამუშაოები მიმდინარეობს. საგანგებო სიტუაციების მართვის სამსახურის ინფორმაციით, მოსახლეობას საფრთხე არ ემუქრება.