ნათია მიქელაძე - როცა პროექტზე ვმუშაობდით, ვერ მოვიფიქრეთ მექანიზმი თუ როგორ შეიძლებოდა პრეზიდენტი ყოფილიყო წარმოდგენილი პრემიერის სათათბირო ორგანოში

სიმართლე გითხრათ, თავის დროზე როდესაც ამ პროექტზე ვმუშაობდით, ვერ მოვიფიქრეთ მექანიზმი თუ როგორ შეიძლებოდა პრეზიდენტი ყოფილიყო წარმოდგენილი როგორც მუდმივმოქმედი წევრი, პრემიერის სათათბირო ორგანოში, - ამის შესახებ დეპუტატებს მთავრობის საპარლამენტო მდივანმა ნათია მიქელაძემ განუცხადა. მისივე თქმით, კანონპროექტის შემუშავების პროცესში საუბარი იყო სათათბირო ორგანოში პრეზიდენტის, პარლამენტის თავმჯდომარისა და პარლამენტის წევრების შეყვანაზეც, თუმცა ეს ვერსია უარყოფილი იყო.

,,ჩვენ კომისიის ფარგლებშიც ვიმსჯელეთ, ეს მსჯელობა შეეხო არა მხოლოდ პრეზიდენტს, არამედ პარლამენტის თავმჯდომარის როლსაც. თუმცა მას შემდეგ რაც ძირეულად გავეცანით იმ საკანონმდებლო სივრცეს რაც გვაქვს ქვეყანაში და მათ შორის ახალ კონსტიტუციურ მოდელს, კომისიის ფარგლებშივე უარი ვთქვით პრეზიდენტის ან პარლამენტის თავმჯდომარის ან რომელიმე წევრის პრემიერის სათათბირო ორგანოში წარმოდგენაზე. გარკვეულწილად, ალბათ, დამეთანხმებით, რომ ეს წარმოშობს გარკვეულ უთანხმოებას და შესაბამისად, ძირშივე იყო ეს მიდგომა უარყოფილი“, - განაცხადა ნათია მიქელაძემ.

მისივე თქმით, დღეს საქართველოს მთავრობისა და პრეზიდენტის თანამშრომლობა საკმაოდ წარმატებულია.

„დარწმუნებული ვარ, რომ ეს მომავალშიც ასევე გაგრძელდება. პრეზიდენტისთვის ნებისმიერი ინფორმაცია უსაფრთხოების საბჭოს და მისი აპარატის ფარგლებში ხელმისაწვდომი ექნება თუ ამის სურვილი ექნა თავად პრეზიდენტს. კანონში იქნება ჩანაწერი გაკეთებული, რომ საჭიროების შემთხვევაში, რა თქმა უნდა, შესაძლებელი იქნება საბჭოს სხდომაზე სხვა პირების მოწვევაც, მათ შორის პრეზიდენტის, პარლამენტის თავმჯდომარის თუ შესაბამისი წევრების. ამ საკითხს განსაზღვრავს საბჭოს თავმჯდომარე“, -განაცხადა მიქელაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს