სოციალური თანასწორობის საერთაშორისო დღესთან დაკავშირებით, ხვალ ვაკეში, მრგვალ ბაღთან პროფესიული კავშირების გაერთიანების ორგანიზებით საინფორმაციო აქცია გაიმართება.

როგორც „ინტერპრესნიუსს“ პროფკავშირების გაერთიანებიდან აცნობეს, აქციაზე პროფკავშირების დარგობრივი ორგანიზაციების წარმომადგენლები შეიკრიბებიან და ამ კუთხით საქართველოში არსებულ მდგომარეობაზე ისაუბრებენ.

სოციალური თანასწორობის საერთაშორისო დღე გაეროს ეგიდით მსოფლიოს არაერთ ქვეყანაში აღინიშნება.