ქეთევან ციხელაშვილი - კონფლიქტური რეგიონების განცხადებებს ჩვენ არ განვიხილავთ ლეგიტიმურ და სამართლებრივ ჭრილში

ცხინვალსა და სოხუმს გარკვეული ურთიერთობები აქვთ სხვა კონფლიქტურ რეგიონებთან და ეს არალეგალური და არასამართლებრივი ფორმაა, ამიტომ რა განცხადებებიც არ უნდა კეთდებოდეს და რა ფორმითაც არ უნდა კეთდებოდეს, ბუნებრივია, ამას ჩვენ ვერ განვიხილავთ რაიმე ლეგიტიმურ, ან პოლიტიკურ, ან სამართლებრივ ჭრილში, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა ცხინვალის ერთ-ერთ ქუჩაზე სომხური ჯვრის დადგმის საკითხის კომენტირებისას განაცხადა.

"როცა ვსაუბრობდი, რომ არის გარკვეული მცდელობები, იგივე მთიანი ყარაბაღის კონფლიქტის შემოტანისა შიდა ურთიერთობებში და გარკვეულწილად ამ საკითხით მანიპულირების, მათ შორის ვგულისხმობდი სწორედ ასეთ ამბავსაც. ეს არც ისე ახალი ამბავია, რადგან ვიცით, რომ ცხინვალსა და სოხუმს გარკვეული ურთიერთობები აქვთ ასევე სხვა კონფლიქტურ რეგიონებთან და ეს არალეგალური და არასამართლებრივი ფორმაა, ამიტომ რა განცხადებებიც არ უნდა კეთდებოდეს და რა ფორმითაც არ უნდა კეთდებოდეს, ბუნებრივია, ამას ჩვენ ვერ განვიხილავთ რაიმე ლეგიტიმურ, ან პოლიტიკურ, ან სამართლებრივ ჭრილში. კიდევ ერთხელ ვამბობ, რომ ამ თემის შემოტანა ნებისმიერი ფორმით არის აბსოლუტურად დაუშვებელი. ჩვენ ვართ ის სახელმწიფო, რომელსაც მომავალში არა მხოლოდ ჩვენი კონფლიქტების მშვიდობიანი მოგვარება, არამედ რეგიონში მშვიდობის პლატფორმის როლის შესრულება გვინდა, შეგვიძლია და გვაქვს ამის სრული მზაობა. ჩვენთვის ძალიან მნიშვნელოვანია მეზობლებთან ურთიერთობა, მაგრამ ეს არის საგარეო პოლიტიკა და სხვა რამეა საშინაო ურთიერთობები და შიდა ეთნოსებს შორის ურთიერთობა“, – განაცხადა ქეთევან ციხელაშვილმა.

როგორც ცნობილია, ოკუპირებული ცხინვალის რეგიონში მთიანი ყარაბაღის დე ფაქტო რესპუბლიკის წარმომადგენლები გუშინ იმყოფებოდნენ. ცხინვალის საოკუპაციო რეჟიმის ლიდერმა, ბიბილოვმა განაცხადა, რომ ცხინვალის ერთ-ერთ ქუჩაზე დადგამენ სომხურ ჯვარს, რომელიც სომეხი და ოსი ხალხის სიმბოლო იქნება.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)