ოკუპირებული ახალგორის სოფელ ბალაანში მცხოვრები პედაგოგი  შვილებთან ერთად საკუთარ სახლში დაბრუნებას 40 დღეა ვერ ახერხებს

ოკუპირებული ახალგორის სოფელ ბალაანში მცხოვრები პედაგოგი ლია ქორთიაშვილი შვილებთან ერთად საკუთარ სახლში, დაბრუნებას უკვე 40 დღეა ვერ ახერხებს.

„ინტერპრესნიუსის“ კორესპონდენტის ინფორმაციით, ახალი წლის დღესასწაულებზე, სასკოლო არდადეგების დროს, დედამ და შვილებმა ოკუპირებული დაბა დატოვეს და გორში ნათესავებს ესტუმრნენ, თუმცა, ე.წ. გამშვები პუნქტის ჩაკეტვის გამო, შინ დაბრუნებას ვეღარ ახერხებენ.

,,არაოფიციალური წყაროებით ვიღებთ სხვადასხვა ინფორმაციას, ოფიციალურად ჯერ არ ვიცით, როდის შევძლებთ შინ დაბრუნებას, თუმცა, იმედი გვაქვს, ეს მალე იქნება. მანამდე კი, დროებით, ბავშვები გორის სკოლაში დადიან“, - ამბობს ლია ქორთიაშვილი. 13 და 14 წლის და-ძმა გორის ერთ-ერთ საჯარო სკოლაში გაკვეთილებს თავისუფალი მსმენელის სტატუსით ესწრება.

„იმ შემთხვევაში კი, თუ ხელოვნულად შექმნილი ბარიერებით გამოწვეული შეზღუდვები გახანგრძლივდება, რესურსცენტრი, სკოლის ადმინისტრაციასთან ერთად, განათლების სამინისტროსთან შეთანხმებით, ყველაფერს გააკეთებს იმისთვის, რომ ამ მოსწავლეებმა სრულყოფილად შეძლონ განათლების მიღება და მიმდინარე სასწავლო წელი გაცდენილად არ ჩაეთვალოთ“, - განაცხადა ,,ინტერპრესნიუსთან“ საუბრისას გორის საგანმანათლებლო რესურსცენტრის ხელმძღვანელმა ნანა ტერმაკოზაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს