შვედეთის საზოგადოებრივი ტელევიზია ოკუპირებული ე.წ. „სამხრეთ ოსეთის“ შესახებ გადაცემას მოამზადებს. სამდღიანი ვიზიტით შვედეთის საზოგადოებრივი ტელევიზიის „STV“-ს კორესპონდენტები ცხინვალის რეგიონში იმყოფებოდნენ.
სააგენტო „რესის“ ინფორმაციით, გადასაღები პროექტის ფარგლებში, მათ ბლიც-ინტერვიუ ჩაწერეს დეფაქტო პრეზიდენტ ანატოლი ბიბილოვთან. ჟურნალისტების ინტერესს წარმოადგენდა, თუ როგორ ვითარდება „რესპუბლიკა“ და როგორ წარმოუდგენია საკუთარი მომავალი.
სამი დღის განმავლობაში შვედეთის საზოგადოებრივი ტელევიზიის ჟურნალისტები სტუდენტებს, ბავშვთა ქორეოგრაფიული ანსამბლის წევრებსა და ხორცკომბინატის თანამშრომლებს შეხვდნენ.