საქართველოს თავდაცვის სამინისტროს დელეგაცია, მინისტრ ლევან იზორიას ხელმძღვანელობით, დღეს ოფიციალური ვიზიტით სომხეთის რესპუბლიკას ეწვევა. ამის შესახებ „ინტერპრესნიუსს“ თავდაცვის სამინისტროდან აცნობეს.
მათივე ინფორმაციით, საქართველოს თავდაცვის მინისტრი ვიზიტს სომხეთის თავდაცვის სამინისტროში სტუმრობით დაიწყებს და კოლეგა დავით ტონოიანს შეხვდება.
ამასთან, ვიზიტის ფარგლებში დაგეგმილია თავდაცვის მინისტრის შეხვედრები სომხეთის რესპუბლიკის პრემიერ-მინისტრ ნიკოლ ფაშინიანთან და სომხეთის რესპუბლიკის საგარეო საქმეთა მინისტრ ზოჰრაბ მნაცაკანიანთან.