მე მქონდა ივანიშვილის მხარდაჭერა. მქონდა დარჩენის შემოთავაზება და თხოვნაც, - ამის შესახებ „ქართული ოცნების" უკვე ყოფილმა წევრმა ეკა ბესელიამ საგანგებო პრესკონფერენციაზე განაცხადა.

ჟურნალისტების კითხვაზე, ვინ სთხოვა მას პარტიაში დარჩენა, ბესელიამ უპასუხა, რომ მან, ვისაც შეეძლო, რომ ეთხოვა.

„მე მქონდა ივანიშვილის მხარდაჭერა. მე მქონდა დარჩენის შემოთავაზება. მქონდა არჩევანი, მაგრამ არ ვიტყვი რა იყო ეს არჩევანი. მქონდა დარჩენის თხოვნაც, მაგრამ მაინც ეს გადაწყვეტილება მივიღე. ვერავინ გამიშვებდა იმ პოლიტიკური პარტიიდან, რომელიც მეც დავაფუძნე. არ ვარ 2016 წელს გზად მომავალი ადამიანი, რომელიც გარემოებების გამო აღმოჩნდა ამ შენობაში და ამ პოლიტიკური პარტიის ქვეშ," -განაცხადა ეკა ბესელიამ.