განათლების სამინისტროში წიგნის ,,ინვენტარი და პროცესები - პერსპექტივები განვითარებისთვის“  პრეზენტაცია გაიმართება

საქართველოს განათლების, მეცნიერების, კულტურისა და სპორტის სამინისტროში წიგნის - „ინვენტარი და პროცესები - პერსპექტივები განვითარებისთვის“ პრეზენტაცია გაიმართება.

როგორც ,,ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს გამოცემა აერთიანებს პოლიტიკოსებთან, მკვლევარებთან, მწერლებთან, საჯარო მოხელეებთან და სხვადასხვა დარგის სპეციალისტებთან ინტერვიუებსა და მათ მიერ შექმნილ ესსეებს. რესპონდენტები მთავარ კითხვას პასუხობენ: „რა არის ქვეყნისა და საზოგადოების განვითარების გზები“.

უწყების ინფორმაციით, კრებული საქართველოში არსებული და განვითარებისთვის აუცილებელი რესურსების თაობაზე ამომწურავ ინფორმაციას იძლევა. წიგნის ქვესათაური „პერსპექტივები განვითარებისთვის“ ზუსტად პასუხობს წიგნის შინაარსს - სხვადასხვა სფეროს პროფესიონალი ადამიანი საკუთარ გამოცდილებაზე დაყრდნობით საქართველოს განვითარების შესაძლებლობებზე მსჯელობს.

წიგნი დააინტერესებს ყველა რგოლის საჯარო მოხელეს, ვინც პოლიტიკის შემუშავებაზე მუშაობს. ასევე, საინტერესო იქნება არასამთავრობო და საქართველოში მომუშავე საერთაშორისო სექტორისთვის, რათა სწორად განსაზღვრონ სამუშაო სფერო და არეალი. და ბოლოს, გამოცემა კერძო სექტორსაც დაეხმარება მეტად სრულყოფილად გააცნობიერონ საზოგადოების საჭიროებები და მისწრაფებები.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება