წიგნის - „კირილე ზდანევიჩი 1892-1969. ცხოვრება და შემოქმედება“ პრეზენტაცია გაიმართება

საქართველოს განათლების, მეცნიერების, კულტურისა და სპორტის სამინისტროში 27 თებერვალს წიგნის - „კირილე ზდანევიჩი1892-1969. ცხოვრება და შემოქმედება“ პრეზენტაცია გაიმართება. ამის შესახებ „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს.

მათივე ცნობით, კირილე ზდანევიჩის ცხოვრებისა და შემოქმედებისადმი მიძღვნილ წიგნში შესული საინფორმაციო-ვიზუალური მასალის უმეტესობა ფართო საზოგადოებისთვის პირველად იქნება ხელმისაწვდომი.

„წიგნის ტექსტებზე გამოცდილ ავტორთა საერთაშორისო ჯგუფი მუშაობდა (ანდრეი სარაბიანოვი. რუსეთი; რეჟის გეირო. საფრანგეთი; ირინა ძუცოვა. საფრანგეთი; ნანა შერვაშიძე, ნონა ხარატიშვილი, ნანა გოგელია, ქეთევან კინწურაშვილი, ნანა ყიფიანი, თეა ტაბატაძე, თამარ ბელაშვილი-საქართველო).

წარმოდგენილი წიგნის მთავარი ფიგურანტები დრო და კირილე ზდანევიჩია. ახალ ქართულ ხელოვნებაში კირილე ზდანევიჩის (1892-1969) შემოქმედება საქართველოს ისტორიის საინტერესო და დრამატულ პერიოდში წარიმართა. კირილე ზდანევიჩის პერსონაზე, მის პირად, თუ შემოქმედებით ცხოვრებაზე, მწვავედ აისახა თავისუფალი საქართველოსა და შემდეგ, მისი დრამატული განვითარების პროცესი. მისი ცხოვრება და შემოქმედება თითქოს კინოკადრებივით იმეორებს ქვეყნის დრამატული ისტორიის ეტაპებს. საბჭოეთის ჩაკეტილ, რკინის ფარდით მოსაზღვრულ სივრცეში იმ მცირეთაგან, ვინც ქვეცნობიერ კავშირს ინარჩუნებდა თავისუფალ დასავლურ სამყაროსთან კირილე ზდანევიჩი ერთ-ერთი პირველი იყო და ამ თავისუფალი სამყაროს ინტერესიც მისი შემოქმედებისადმი სრულიად ლოგიკურია.

კირილე ზდანევიჩის ხელოვნება ერთდროულად არის ძალიან ქართული და ამავე დროს, თავის თავში აერთიანებს სხვადახვა კულტურული ტრადიციების ზოგად იდეებს. აღნიშნული ისტორიული ეპოქის ნებისმიერ მონაკვეთში და ხელოვნების ნებისმიერ დარგში ზდანევიჩი მუდამ დიალოგში იყო ზოგად კულტურულ პრობლემატიკასთან. დიდი ადგილი ეთმობა წიგნში თავად კირილე ზდანევიჩის მემუარებს“, - ნათქვამია უწყების მიერ გავრცელებულ ინფორმაციაში.

განათლების, მეცნიერების, კულტურისა და სპორტის სამინისტროს ცნობით, პროექტში მონაწილეობა მიიღეს საქართველოს, ევროპისა და რუსეთის მუზეუმებმა და არქივებმა, კერძო კოლექციონერებმა.

ამასთან, წიგნი „კირილე ზდანევიჩი1892-1969. ცხოვრება და შემოქმედება“ საქართველოს განათლების, მეცნიერების, კულტურისა და სპორტის სამინისტროსა და ქალაქ თბილისის მერიის მხარდაჭერით გამოიცა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება