შექმნილ ვითარებაზე პოლიტიკურ პასუხისმგებლობას ირაკლი კობახიძეს ვაკისრებ, როგორც პარლამენტის თავმჯდომარეს, რომლის ავტორიტეტი და სანდოობა მაღალი არ არის, - ამის შესახებ ჟურნალისტებს საპარლამენტო უმრავლესობის ყოფილმა წევრმა ეკა ბესელიამ განუცხადა.
„კობახიძემ მარტო ჩვენთან დაკავშირებით კი არ უნდა გამოიჩინოს ასეთი პერსონალური, არაფრისმთქმელი მკაცრი და სუბიექტური მიდგომები, არამედ პრინციპულ საკითხებზე უარის თქმა უნდა იცოდეს, როცა საქმე პარლამენტს, სასამართლოს, მოსამართლეების არჩევას და მოსამართლეთა ჯგუფის კაპრიზების დაკმაყოფილებას ეხება”, - აღნიშნა ეკა ბესელიამ.
კითხვაზე, რამდენად მოსალოდნელია დღის წესრიგში პარლამენტის თავმჯდომარის თანამდებობიდან გადაყენების საკითხი დადგეს, ბესელიამ განაცხადა, რომ ახლა მოსამართლეთა უვადოდ დანიშვნის წესთან დაკავშირებით კანონპროექტებზე ფიქრობს, კობახიძეზე საფიქრალად მას ცოტა დრო რჩება, მაგრამ “ამის დროც მოვა“.
იხილეთ ვიდეო: უმრავლესობიდან გასული დეპუტატები პარლამენტის თავმჯდომარეს უპირისპირდებიან