მე ეს პროცესი არ დამიწყია, თუ დავიწყებ, ბოლომდე მივიყვან,- ასე უპასუხა დეპუტატმა ეკა ბესელიამ პარლამენტის თავმჯდომარის თანამდებობიდან შესაძლო გადაყენების შესახებ დასმულ კითხვას. ეკა ბესელიას განცხადებით, არაფერი გამორიცხული არ არის.

„არაფერი გამორიცხული არ არის. მე ეს პროცესი არ დამიწყია, თუ დავიწყებ, ბოლომდე მივიყვან. ვინც მიცნობს, იცის, რომ შუა გზაში არასოდეს ვჩერდები, ფინალშიც გავდივარ და შედეგი დგება. ასე, რომ ჯერ არ დამიწყია ეს პროცესი, მაგრამ წინ არის რამდენიმე კენჭისყრა კიდევ, რომელიც ეხება უზენაეს სასამართლოში როგორ მოხდება მოსამართლეების არჩევა", - განაცხადა ეკა ბესელიამ.