გენერალური პროკურატურა - „თიბისი ბანკის“ საქმესთან შემხებლობაში მყოფი პირები იკითხებიან
გენერალური პროკურატურის ინფორმაციით, „თიბისი ბანკის“ საქმესთან შემხებლობაში მყოფი პირების გამოკითხვები მიმდინარეობს.
როგორც პროკურატურაში გამართულ ბრიფინგზე განაცხადეს, მამუკა ხაზარაძის და ბადრი ჯაფარიძის გამოკითხვების შესახებ ინფორმაცია საზოგადოებისთვის ცნობილია, ხოლო სხვა პირებზე ინფორმაციის გავრცელება საგამოძიებო უწყებას მიზანშეწონილად არ მიაჩნია.
„იკითხებიან საქმესთან შემხებლობაში მყოფი პირები. ამ ეტაპზე მიმდინარეობს საგამოძიებო მოქმედებები. ჯაფარიძის და ხაზარაძის გამოკითხვებთან დაკაშირებით ინფორმაციები საზოგადოებისთვის ცნობილია, ხოლო გამოძიების ინტერესებიდან გამომდინარე სხვა პირების შესახებ ინფორმაციის გავრცელება მიზანშეწონილად არ მიგვაჩნია“, - განაცხადეს პროკურატურაში.
