ვალერიან შიუკაშვილი ფლორენციის დუომოს ცენტრში გამართული საქველმოქმედო კონცერტისთვის დელ ბლანკოს ფონდმა დააჯილდოვა.

როგორც „ინტერპრესნიუსს“ ღონისძიების ორგანიზატორებმა აცნობეს, კონცერტს 5 კონტინენტის 47 ქვეყნის წარმომადგენელი ესწრებოდა, მათ შორის: დიპლომატიური კორპუსის წევრები, პროფესორები, მინისტრები, ექსპერტთა გენერალური ანსამბლეა და სხვა.

„კონცერტით შემოსული თანხით უგანდაში სოციალურად დაუცველი მოსახლეობისთვის აშენდება სახლები, რომლებზეც თითბერის დაფები იქნება მიკრული და ვალერიან შიუკაშვილის სახელი, როგორც პროექტის მონაწილის ამ დაფაზე იქნება გამოსახული. ქართველი პიანისტი მედიჩების საქმიანობის გამგრძელებლისა და შთამომავლის, ფლორენციელი ქველმოქმედისა და ბიზნესმენის, პაოლო დელ ბიანკოს მიწვევით გამართავს კონცერტს. პაოლოს სურვილი იყო, რომ 1 მარტს დაგეგმილი ვალერიან შუკაშვილის პერფორმანსი აგრეთვე, მიეძღვნა საქართველოსა და სახელმწიფო უნივერსიტეტის 100 წლის იუბილესთვის. პაოლო დელ ბიანკო გახლავთ თბილისის საპატიო მოქალაქე, სამხატვრო აკადემიისა და სახელმწიფო უნივერსიტეტის საპატიო დოქტორი. მისი ფონდი „ცხოვრება ტურიზმის მიღმა“, ორიენტირებულია მსოფლიოს 85 ქვეყანაზე.

ღონისძიების ფარგლებში დაგეგმილია საქართველოს კათოლიკოს-პატრიარქის, უწმიდესისა და უნეტარესის ილია მეორეს მირ ნაჩუქარი წმინდა ნინოს ჯვრის გადაბრძანება დელ ბიანკოს მუზეუმში“, - აღნიშნულია ინფორმაციაში.

მათივე ცნობით, ვალერიან შიუკაშვილი საქართველოში ხელოვანთა კავშირის კონცეპტArt-ის მოწვევით, 3 მარტს „თბილისი რუმსის“ Garden Hall-ში დედის დღისადმი მიძღვნილ საფორტეპიანო კონცერტს გამართავს. ქართველი პიანისტი ცხრა საერთაშორისო კონკურსების გრან პრის მფლობელია.