მირზა სუბელიანის ადვოკატი - მიგვაჩნია, რომ სასამართლოს ასეთი გადაწყვეტილება საზოგადოების მაღალი ინტერესითაა განპირობებული

მიგვაჩნია, რომ ასეთი გადაწყვეტილება საქმეზე საზოგადოების მაღალი ინტერესითაა განპირობებული, - ამის შესახებ ჟურნალისტებს მსჯავრდებულ მირზა სუბელიანის ადვოკატმა ინგა ჩალაურმა განუცხადა.

როგორც ადვოკატი განმარტავს, განაჩენის გასაჩივრების გადაწყვეტილებას მას შემდეგ მიიღებენ, რაც პოზიციას თავად მირზა სუბელიანთან შეათანხმებენ.

"ჩვენი მოთხოვნა მირზა სუბელიანისთვის მსუბუქი სასჯელის შეფარდება იყო. მოთხოვნის სამართლებრივი საფუძველი იყო ის, რომ დანაშაული განეკუთვნებოდა ნაკლებად მძიმე კატეგორიის დანაშაულს, არ არსებობდა დამამძიმებელი გარემოებები. თუმცა, სასამართლომ ბრალდების გადაკვალიფიცირება მოახდინა დანაშაულის დაფარვაზე.

რაც შეეხება იმას, ვთვლით, თუ არა სასჯელს სამართლიანად, მიმაჩნია, რომ ჩვენი მოთხოვნა სამართლის საფუძველზე იყო დაფუძნებული, მიგვაჩნია, რომ ასეთი გადაწყვეტილება საქმეზე საზოგადოების მაღალი ინტერესითაა განპირობებული", - განაცხადა ჩალაურმა.

დღეს მირზა სუბელიანს სასამართლომ 1 წლითა და 1 თვით პატიმრობა შეუფარდა.

როგორც მოსამართლემ სარეზოლუციო ნაწილში განმარტა, მირზა სუბელიანს ბრალდება სსკ-ის 376-ე მუხლიდან გადაკვალიფიცირდა 375-ე მუხლით და ის დანაშაულის დაფარვაში სცნო დამნაშავედ.

შეგახსენებთ, რომ პროკურატურის ყოფილი თანამშრომელი, მირზა სუბელიანი ხორავას ქუჩაზე მომხდარი მკვლელობის საქმეზე 9 ივნისს დააკავეს. მას ბრალი სისხლის სამართლის კოდექსის 376-ე მუხლით აქვს წაყენებული, რაც დანაშაულის შეუტყობინებლობას გულისხმობს.

მირზა სუბელიანს პატიმრობის ვადა 4 თვეში ეწურება, 9 ივლისს კი გლდანის მე-8 პენიტენციურ დაწესებულებას დატოვებს.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა