კობა დავითაშვილი 2006 წელს მასზე განხორციელებული თავდასხმის საქმეზე სასამართლოში დაიკითხა

კობა დავითაშვილი 2006 წელს მასზე განხორციელებული თავდასხმის საქმეზე თბილისის საქალაქო სასამართლოში დაიკითხა.

როგორც საქმის პროკურორმა, მაია სილაგაძემ განაცხადა, ბრალდების მხარეს აღნიშნულ საქმეზე განსასჯელი პირის მიმართ, რომელიც ამჟამად ძებნაში იმყოფება, გამამტყუნებელი განაჩენის გამოტანის მოლოდინი აქვს.

„სასამართლო არსებითად განიხილავს ერთ-ერთი განსასჯელის ბრალდების სისხლის სამართლის საქმეს, სადაც დაზარალებულია კობა დავითაშვილი. საქმე ეხება 2006 წლის ივნისში მომხდარ ფაქტს, როცა გარკვეული პირი აპირებდა კობა დავითაშვილზე პოლიტიკური და მისი სამსახურეობრივი მდგომარეობიდან გამომდინარე, თავდასხმის მომზადებას.

დღევანდელ პროცესზე დაიკითხა თავად დაზარალებული, კობა დავითაშვილი, რომელმაც სასამართლოს მიაწოდა ინფორმაცია 2006 წლის 7 ივნისს მომხდარ ინციდენტთან დაკავშირებით. შემდეგ პერიოდში ბრალდების მხარე სასამართლოში წარმოადგენს სხვა მოწმეებს და სხვა მტკიცებულებებს. მოლოდინი გვაქვს, რომ განსასჯელის მიმართ, რომელიც ამჟამად ძებნილია და საქართველოში არ იმყოფება, გამამტყუნებელი განაჩენი იქნება გამოტანილი“, - აცხადებს სილაგაძე.

შეგახსენებთ, რომ კობა დავითაშვილზე, როგორც პოლიტიკური თანამდებობის პირზე თავდასხმა 2006 წელს განხორციელდა. აღნიშნულ საქმეზე ბრალდებულია გიორგი კურტაევი, რომელიც საერთაშორისო ძებნაში იმყოფება.

საქმეზე სასამართლო განხილვები 2015 წელს დაიწყო.

იხილეთ ვიდეო

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს