ვლადიმერ პუტინმა 1987 წლის ხელშეკრულებიდან გასვლის ბრძანებას ხელი მოაწერა

რუსეთის პრეზიდენტმა ვლადიმერ პუტინმა ხელი მოაწერა ბრძანებას საშუალო და მცირე რადიუსის რაკეტების ლიკვიდაციის შესახებ შეთანხმების შესრულების შეჩერების თაობაზე. ამის შესახებ „ბი-ბი-სი“ იუწყება.

შეთანხმების შეჩერების შესახებ კრემლის ლიდერმა 2 თებერვალს განაცხადა - მეორე დღეს, მას შემდეგ, რაც ანალოგიური გადაწყვეტილება აშშ-მა მიიღო.

ვლადიმერ პუტინის მიერ ხელმოწერილი ბრძანების ტექსტი კრემლის ვებგვერდზეა გამოქვეყნებული.

დოკუმენტი ძალაში გამოქვეყნებისთანავე შევიდა.

1 თებერვალს ამერიკის პრეზიდენტმა დონალდ ტრამპმა განაცხადა, რომ ვაშინგტონი ცალმხრივად აჩერებს ყველა ვალდებულებას, რომლებიც აღებული აქვს საშუალო და მცირე რადიუსის რაკეტების ლიკვიდაციის შესახებ შეთანხმების ხელმოწერისას 1987 წელს და იწყებს შეთანხმებიდან გასვლის პროცედურას.

2 თებერვალს ვლადიმერ პუტინმა განაცხადა, რომ რუსეთის მოქმედება სარკისებური იქნებოდა.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა