თუ კობახიძის თანამდებობიდან გადაყენების პროცედურა დაიწყება, მე ამას მხარს დავუჭერ,- ამის შესახებ „პატრიოტთა ალიანსის" ლიდერმა ირმა ინაშვილმა ჟურნალისტებს განუცხადა. ინაშვილის შეფასებით, ეს თავად კობახიძისთვისაც სასიკეთო იქნება.

„დიდი ხანია იმაზე ვსაუბრობ, რომ პარლამენტში მენეჯმენტი და მართვის სტილი შესაცვლელია. პარლამენტს პარლამენტის თავმჯდომარე მართავს. ვიცე-სპიკერებთან არავითარი კოორდინაცია არ არის და ეს მთელი ამ 2 წლის მანძილზე არ ყოფილა. მე ამაზე 2 წელია ვსაუბრობ. ამ 2 წლის მანძილზე არაერთხელ ვთქვი, რომ პარლამენტის მენეჯმენტი უნდა შეიცვალოს. ამაზე საუბარი ახლა არ დავიწყე. თუ კობახიძის თანამდებობიდან გადაყენების პროცედურა დაიწყება, მე ამას მხარს დავუჭერ. ეს პირადადაც ვუთხარი ირაკლი კიბახიძეს. ეს სასიკეთო თვითონ ირაკლი კობახიძისთვის იქნება, მაგრამ ძალიან ცოტა დროა დარჩენილი, დაახლოებით 2 წელში ეს პარლამენტი მუშაობას დაასრულებს. ეს დროც გასათვალისწინებელია, რომ მოკლე პერიოდია დარჩენილი," - განაცხადა ირმა ინაშვილმა.