ეს არის ალბათ ცვლილება, რითაც იწყება დიდი ცვლილებები, - ასე აფასებს „ქართული ოცნების“ წევრი ნუკრი ქანთარია ირაკლი ღარიბაშვილის პოლიტიკაში დაბრუნებას.
მისი თქმით, ის შეძლებს იმ სულისკვეთებით დაბრუნებას, რომელიც იყო 2012 წელს.
კითხვაზე, როგორ გაგრძელდება ღარიბაშვილის სამომავლო საქმიანობა, ქანთარიას თქმით, ის მხოლოდ პოლიტიკურ მდივნად არ დარჩება.
„ვფიქრობ, რომ ირაკლი ღარიბაშვილი შემდგომში ალბათ მიიღებს ძალიან აქტიურ მონაწილეობას და ბუნებრივია, რომ მხოლოდ პოლიტიკურ მდივნად არ დარჩება, მაგრამ ეს მომავლის საკითხია“, - განაცხადა ქანთარიამ.
ყოფილი პრემიერ-მინისტრი ირაკლი ღარიბაშვილი პოლიტიკაში ბრუნდება და პარტია „ქართული ოცნება - დემოკრატიული საქართველოს“ პოლიტიკური მდივნის თანამდებობას დაიკავებს.