ეკა ბესელია - ვითარება არის ისეთი, რომ საჭიროებს ცვლილებებს, არ იგრძნობა ენერგია და სიცოცხლისუნარიანობა

ვითარება არის ისეთი, რომ საჭიროებს ცვლილებებს. არ იგრძნობა ენერგია და სიცოცხლისუნარიანობა, არ იგრძნობა იმ პრობლემებზე რეაგირება , რაზეც საზოგადოება სწუხს,-ამის შესახებ პარლამენტის დეპუტატმა ეკა ბესელიამ ჟურნალისტების კითხვის საპასუხოდ განაცხადა. კერძოდ, ჟურნალისტებმა ბესელიას ჰკითხეს გავრცელებულ ინფორმაციასთან დაკავშირებით, რომლის მიხედვით, იგეგმება სამთავრობო ცვლილებები, მათ შორის იუსტიციის მინისტრის თეა წულუკიანის თანამდებობიდან წასვლა.

„სამთავრობო ცვლილებებთან დაკავშირებით, თეა წულუკიანს არ ეხება ნამდვილად, მაგრამ ცვლილებების საჭიროებაზე დაფიქრებაც კი არის შეუთავსებული მოცემულობასთან. ვითარება არის ისეთი, რომ საჭიროებს ცვლილებებს. არ იგრძნობა ენერგია და არ იგრძნობა სიცოცხლისუნარიანობა, არ იგრძნობა იმ პრობლემბზე რეაგირება , რაზეც საზოგადოება სწუხს“, -განაცხადა ეკა ბესელიამ.

კითხვაზე, თუ როგორ აისახება თეა წულუკიანის სავარაუდოდ თანამდებობიდან წასვლა გუნდზე , ეკა ბესელია პასუხობს, რომ მას დიდხანს მოუწია მუშაობა წულუკიანთან და მასზე ცუდის თქმა გაუჭირდება.

„თეას წასვლასთან დაკავშირებით ნამდვილად არ მაქვს ინფორმაცია, მაგრამ ის ერთ -ერთი წარმომადგენელია, რომელსაც აქვს გამოცდილება და ამ გამოცდილების გამოყენება სხვადასხვა პოზიციაზე შესაძლებელია”, - განაცხადა ბესელიამ.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით