თბილისის საქალაქო სასამართლოში მოჭიდავე ზურაბ დათუნაშვილისა და ჭიდაობის ფედერაციის პრეზიდენტის, გეგა გეგეშიძის დაპირისპირების საქმეზე, რომელშიც გეგეშიძეა ბრალდებული, წინასასამართლო პროცესი მიმდინარეობს.
სხდომაზე მხარეები მტკიცებულებების დასაშვებობაზე მსჯელობენ.
სასამართლო პროცესის დაწყებამდე ბრალდებულ გეგა გეგეშიძეს კომენტარი არ გაუკეთებია.
შეგახსენებთ, ჭიდაობის ფედერაციის პრეზიდენტი გეგა გეგეშიძე, სპორტის სასახლეში, 11 იანვარს, მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს.
საქალაქო სასამართლომ გეგეშიძე 5 000-ლარიანი გირაოთი გაათავისუფლა და ჭიდაობის ფედერაციის პრეზიდენტის პოსტიც შეუნარჩუნა.