კომპანია „ჯორჯიან უოთერ ენდ ფაუერმა“ დიდუბის რაიონში, გორის ქუჩაზე რეაბილიტაციის ფარგლებში წყალსადენის მაგისტრალური ქსელი სრულად განაახლა და ევროსტანდარტის შესაბამისი ჩამკეტ-მარეგულირებელი ურდულები დაამონტაჟა, - ამის შესახებ „ინტერპრესნიუსს“ „ჯორჯიან უოთერ ენდ ფაუერიდან“ აცნობეს.

მათივე ცნობით, კომპანია ახალ ქსელზე გადაერთების ბოლო ეტაპს ხვალ, 15 მარტს განახორციელებს. სამუშაოების მიმდინარეობისას 15 მარტს, დღის 12:00 საათიდან 18:00 საათამდე წყალმომარაგება შეეზღუდება დიდუბე-ჩუღურეთის რაიონში: სამტრედიის, აგლაძის, ყიფიანის და მიმდებარე ქუჩებს, წერეთლის გამზირის ნაწილს.

წყალმომარაგება შეეზღუდება ვორონინის ქუჩას, გორის ქუჩას და გორის ქუჩის შესახვევს. წყალმომარაგება 16 მარტის 01:00 საათიდან აღუდგება.

წყალმომარაგების შეზღუდვისა და აღდგენის შესახებ ინფორმაციას ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge

„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებელს.