ჩემთვის და საქართველოსთვის რუსეთი კლავს - რუსეთი ვერ იღებს პასუხისმგებლობას ადამიანის სიცოცხლეზე, - ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა ოკუპირებულ გალში ირაკლი კვარაცხელიას გარდაცვალების ფაქტზე საუბრისას განაცხადა.
„ჩვენ ნებისმიერი შემთხვევაში მივმართავთ საერთაშორისო საზოგადოებას - ყველა ინსტრუმენტს, ყველა ტრიბუნას გამოვიყენებთ იმისათვის, რომ რუსეთმა შეიგნოს, რომ ის არის ოკუპანტი და ის არის პასუხისმგებელი ოკუპირებულ ტერიტორიებზე არსებულ მდგომარეობაზე და იქ ადამიანის უფლებებზე“, - განუცხადა ჟურნალისტებს ირაკლი სესიაშვილმა.
სახელმწიფო უსაფრთხოების სამსახურის მიერ გავრცელებული ინფორმაციით, გალის რაიონში, ირაკლი კვარაცხელიამ, რომელიც დე-ფაქტო ხელისუფლების მიერ იყო დაკავებული, თავი მოიკლა.
ირაკლი კვარაცხელია საქართველოს კონტროლირებად ტერიტორიაზე გუშინ გადმოასვენეს.