ოკუპირებული აფხაზეთის სოფელ პირველ ოტობაიაში საქართველოს მოქალაქე დააკავეს

ოკუპირებული აფხაზეთის სოფელ პირველ ოტობაიაში საქართველოს მოქალაქე ლევან ძაძუა საკუთარ სახლში დააკავეს. მისი ახლობლის ინფორმაციით, ის დაკავებისას სასტიკად სცემეს.

„გვიან ღამით სახლიდან აიყვანეს. არავინ არ იცის რას ედავებიან. უპატიოსნესი ოჯახია, რა უნდათ, არავინ იცის. დაკავების დროსაც სცემეს. ამ დილით ოჯახს დაურეკა და უთხრა, რომ ცოცხალია“, - ამბობს ოტობაიას მკვიდრი და აცხადებს, რომ სხვა დეტალები ოჯახმა არ იცის.

საქართველოს სახელმწიფო უსაფრთხოების სამსახურში აცხადებენ, რომ ოკუპირებული აფხაზეთის სოფელ პირველ ოტობაიაში დაკავებულ ლევან ძაძუასთან დაკავშირებით ინფორმაციის დაზუსტება მიმდინარეობს. როგორც უწყებაში "ინტერპრესნიუსს" განუცხადეს, ამოქმედებულია ცხელი ხაზი.