გიორგი ტყემალაძე - ახალი გენგეგმით მნიშვნელოვან წვლილს შევიტანთ ქალაქის სწორ განვითარებაში

თბილისის საკრებულოს თავმჯდომარემ გიორგი ტყემალაძემ თბილისის მიწათსარგებლობის გენერალურ გეგმას თბილისისთვის უმნიშვნელოვანესი დოკუმენტი უწოდა. როგორც გიორგი ტყემალაძემ აღნიშნა, საკრებულოს დღევანდელ სხდომაზე გენგეგმას დაამტკიცებენ.

“გენერალური გეგმა უზრუნველყოფს ქალაქის სწორ, გრძელვადიან, სისტემურ განვითარებას. მინდა მივულოცო თითოეულ თბილისელს. დარწმუნებული ვარ, ახალი გენგეგმით მნიშვნელოვან წვლილს შევიტანთ ქალაქის სწორ განვითარებაში”,- განაცხადა თბილისის საკრებულოს თავმჯდომარემ.

გიორგი ტყემალაძემ ყურადღება გაამახვილა ასევე K2 კოეფიციენტის გადაჭარბების აკრძალვაზე.

“ჩვენ უარს ვამბობთ K2 კოეფიციენტის გადაჭარბებაზე და ვადასტურებთ, რომ გენერალური გეგმის ფუნქციური ზონების შესაბამისად განვითარდება ქალაქი”,- განაცხადა თბილისის საკრებულოს თავმჯდომარემ.

გიორგი ტყემალაძემ დასძინა, რომ K2 კოეფიციენტის გადაჭარბების აკრძალვა ეხება აბსოლუტურად ყველა ტერიტორიას, რამდენიმე გამონაკლისის გარდა, რომელიც ეხება დაუმთავრებელ მშენებლობებს და ავარიულ შენობებს.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება