ოთარ კახიძე სოფელ ხურვალეთთან დაკავშირებით - მთავარი პრობლემა რაც  დავინახე, იყო ხელისუფლების მხრიდან ინფორმაციული ვაკუუმის შექმნა

„ევროპული საქართველოს“ ერთ–ერთი ლიდერის ოთარ კახიძის განცხადებით, სოფელ ხურვალეთში გუშინ არსებულ სიტუაციაზე ხელისუფლებამ ინფორმაციული ვაკუუმი შექმნა, რამაც ჭორებისა და მითქმა–მოთქმისთვის უფრო მეტი სივრცე შექმნა.

როგორც ოთარ კახიძემ ჟურნალისტებს განუცხადა, ქვეყანა მუდმივი საფრთხის ქვეშ იმყოფება. ამასთან, კახიძემ გორის მერის მიერ გაკეთებული განცხადებაც გაიხსენა და აღნიშნა, რომ მან ირიბად დაადასტურა რუსი ჯარისკაცების შესვლა საქართველოს კონტოლირებად ტერიტორიაზე, კერძოდ, რომ „ოკუპანტებს ხშირად ერევათ ტერიტორიები“.

„მთავარი პრობლემა, რაც მე დავინახე, იყო ხელისუფლების მხრიდან ინფორმაციული ვაკუუმის შექმნა, რაც შემდეგ ქმნის უფრო მეტ სივრცეს ჭორებისთვის, მითქმა-მოთქმისთვის. ხელისუფლებას ვალდებულება ეკისრება, რომ ყოველი კრიზისული ვითარების დროს მართოს ეს კრიზისი. მათ შორის, მედიაჩართულობით, მიაწოდოს საზოგადოებას ინფორმაცია, რომ სახელმწიფო ინტერესი არ დაზიანდეს, მაგრამ აქაც საქმე გვაქვს სახელმწიფოს მართვის საკმაოდ მახინჯ ფორმასთან. ასეთ საკითხებზე გადაწყვეტილებას ვერ იღებენ ცალკეული მინისტრები და უწყების ხელმძღვანელები, ვინაიდან ბიძინა ივანიშვილს უნდა დაელოდონ, როდის გაერკვევა საკითხში. ეს არის ვითარება, რომელიც გვაქვს ქვეყანაში და აისახება ნებისმიერ საკითხზე“, – განაცხადა კახიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს