გრიგოლ ვაშაძე - უკვე გიგანტური ნაბიჯი არის გადადგმული იმისკენ , რომ ბიძინა ივანიშვილის კრიმინალური რეჟიმი დავამთავროთ

გაერთიანებული ოპოზიცია ყრილობებს ატარებს იმისათვის, რომ გავაანალიზოთ არჩევნების შედეგები , რაც გავიარეთ 2018 წელს და მოვემზადოთ იმისთვის , რომ უკვე სტრუქტურულად გავერთიანდეთ,-ამის შესახებ "გაერთიანებული ოპოზიციის" ერთ-ერთმა ლიდერმა გრიგოლ ვაშაძემ პოლიტიკური პლატფორმა " ახალი საქართველო" -ს რიგით მეორე ყრილობის დაწყებამდე განაცხადა.

„"გაერთიანებული ოპოზიცია აყალიბებს მმართველობით ორგანოებს, ეს ძალიან მალე მოხდება. მანამდე ყველა წევრი ორგანიზაცია თავის ყრილობას ჩაატარებს. რაც შეეხება თანამშრომლობას, სტრუქტურულად ვინც ერთად ვიყავით, ერთად ვართ, ვინც ჩვენთან ერთად არ იქნება, ვართ თანამებრძოლები პარტნიორები. უკვე გიგანტური ნაბიჯი არის გადადგმული იმისკენ , რომ ბიძინა ივანიშვილის კრიმინალური რეჟიმი დავამთავროთ, იმიტომ რომ ასე ცხოვრების გაგრძელება არ შეიძლება“ ,-განაცხადა გრიგოლ ვაშაძემ.

"ახალი საქართველოს" ყრილობა სასტუმრო "ბილტმორში" ამ წუთებში მიმდინარეობს.