ჩვენ არ შეიძლება ვიყოთ ქვეყანა, რომელიც უბრალოდ აკოპირებს სხვა ქვეყნებიდან რეფორმებს,-ასე მიმართა პოლიტიკური პლატფორმა "ახალი საქართველოს" თავმჯდომარემ გიორგი ვაშაძემ პარტიის ყრილობაზე დამსწრეებს.
პარტიის ლიდერის თქმით, ქვეყანას აქვს ყველა რესურსი იმისთვის, რომ საქართველო იყოს ძლიერი სახელმწიფო.
„საქარველოს შეიძლება ჰქონდეს ამბიცია, რომ სწრაფად განავითაროს ეკონომოკა , ჩვენ შეიძლება გვქონდეს ამბიცია, რომ შევქმნათ წარმატების ქართული მოდელი. თუ ეს ამბიცია არ გვაქვს, ჩვენ ვერასდროს მივაღწევთ წარმატებას. ჩვენ არ შეიძლება ვიყოთ ქვეყანა, რომელიც აკოპირებს უბრალოდ სხვა ქვეყნებიდან რეფორმებს. ბევრი რაც გაკეთებულა ამ ქვეყანაში და მომავალშიც გავაკეთებთ, უნდა იყოს უნიკალური, დიახაც, ქართული. ჩვენ გენეტიკა, ჩვენი წარსული, ჩვენი ისტორია გვაძლევს ყველა შესაძლებლობას იმის, რომ ვიყოთ ძლიერი სახელმწიფო , სადაც იცხოვრებენ ძლიერი და წარმატებული ადამიანები“, - განაცხადა ვაშაძემ.