Tbilisi Open Air 10 წლის იუბილეს აღნიშნავს, - ამის შესახებ „ინტერპრესნიუსს“ „თიბისი ბანკიდან“ აცნობეს. ფესტივალთან დაკავშირებით, 19 მარტს, „ფაბრიკაში“,14.00 საათზე პრესკონფერენცია გაიმართება.

ღონისძიებაზე 2019 წლის ფესტივალის ჰედლაინერთა ვინაობა, თარიღებისა და ლოკაციის შესახებ ინფორმაცია გახდება ცნობილი. მონაწილეები თანასწორობისა და მრავალფეროვნების სოციალური კამპანიის ფარგლებში დაგეგმილი აქტივობების შესახებ ისაუბრებენ.

„შეგახსენებთ, რომ Tbilisi Open Air კავკასიაში ყველაზე მასშტაბური მუსიკალური ფესტივალია. ის 2009 წელს დაარსდა და ისეთ არტისტებს უმასპინძლა, როგორებიც არიან Deep Purple, Placebo, Archive, DDT, Tom Odell, Tricky, Air, Sevdaliza, Roman Flugel… საერთო ჯამში - ათასამდე მუსიკოსი. 2019 წელს ფესტივალი 10 წლის იუბილეს აღნიშნავს“, - აღნიშნულია „თიბისი ბანკის“ მიერ გავრცელებულ ინფორმაციაში.