2 კვირის წინ დაშლილი ფრაქციის ნაცვლად, „ნაცმოძრაობა“ გორის საკრებულოში ახალ ფრაქციას ქმნის
გორის მუნიციპალიტეტის საკრებულოში ორი კვირის წინ დაშლილი ფრაქციის ნაცვლად, „ერთიანი ნაციონალური მოძრაობა“ ახალ ფრაქციას ქმნის.
ფრაქცია ,,ნაციონალური მოძრაობა“, რომელიც 3 წევრისგან შედგებოდა მას შემდეგ დაიშალა, რაც ერთ-ერთმა წევრმა ირმა ამბარდნიშვილმა ფრაქცია დატოვა. ,,ერთიანი ნაციონულარი მოძრაობის“ წევრებმა მალევე დააანონსეს, რომ საკრებულოში ახალ პოლიტიკურ გაერთიანებას შექმნიდნენ. მუნიციპალიტეტის საკრებულოს აპარატში ახალი ფრაქციის შექმნაზე განაცხადი დღეს შევიდა. დაშლილი ფრაქციის წევრებს - ვასილისა ჯაბახიძეს და ბექა ქორჩილავას ,,ევროპული საქართველოს“ წევრი კახაბერ ბურჯანაძე შეუერთდა.
ახალი ფრაქცია სახელწოდებით - ,,ძლიერი გორი“, 29 მარტს, ბიუროს სხდომაზე გაივლის რეგისტრაციას და ფრაქციის სტატუსს შეიძენს.
